Bravo Nadège !!


Voilà ch'est dit...Bravo Nadège et Gilbert DUPONT..!

Cha nous récauffe nou coeur d' vire qu'i a des gins comme vous qui font pon gramint d' bruit mais font gramint d'bonheur !


Alors....

Au nom du Président de la République

... qui n' a pas pu s' déplacher pasqu'i fête s' n'anniversaire d'arrivache au pouvoir au
FOUQUET'S

...au nom des Tréteaux de l' Impasse

qui eussent ont eu gramint d'plaisi à vénir à Mons in Baroeul... et in vertu des pouvoirs qui me sont conspués..

J'ai l'honneur et l' avintache de vous armette l' médale d' Vermelles des épiciers
solidaires !!

Smack..smack.. grosses baisses et Marseillaisse..!

Bertrand

Ouais..ch'est toudis bien à AUCHEL . In est toudis bien archus par les gins des familes nombreusses.
Merci d'ête vénus...cha permettra à les éfants d'avoir un meilleux NOEL ...et nous , cha nous a fait plaisi d' vous vire !.
Grosses baisses à tertous.
Bertrand.

Que 2008 vous apporte bonneur et santé et que cha vous donne l'occasion d' vénir nous vire sur scène pour nous dire un pétit bonjour!.Eune bonne et Heursse année à vous z'autes tertous ! Les tréteaux de l' impasse .

ouais...que gymnastique !!!!In a été invités à CAMBRIN et tout s'a bien passé. Bien archus , comme d'habitute , in s' souviendra longtemps de l' soupe à l'ognon . Gérard il a dit qu'alle étot poivrée à souhait !...mi j' cros qu'in a enfin trouvé eune solution à la hausse du baril d' pétrole...ch'est l'soupe à Martine !...té mets cha dins t' mobylette, té fais du 160...assurés !.
A dé mes gins.
Bertrand.

Ch'est grand-mère qui m' a soufflé ch' tite...mi j' treufe que ch'est bête...mais comme ca vient d'elle , i faut dire que ch'est bien !.
Donc à Calonne , cha s'a bien passé et tout l' monte a été cotint.

Ches gins i se sont même lévés à la fin !...J' l' ai dit à Grand-mère...alle dit que ch'est suremint pasque i z' ont été assis tros heures d' long !
Cha fait plaisir , j' vous jure !
Allez..à l' arvoyure !
Bertrand

Ouais..in a été bien archus à Bruay La Buissière par les gins de l' A.B.C...et in n'est pas prêts d'oublier nous camarates de ch'ti.org qui sont vénus nous vire.
Des espectateurs qui font des chintaines d' kilomètes pour vénir vous dire qu'i vous ont kaire , cha récauffe toudis note coeur. Merci à vous z'autes tertous !
Même grand-mère qui est toudis à côté d' ses bottines , alle étot fin cotinte et croyez-me , pour l' cotinter , i faut s' léver d' bonne heure !.
A dé mes gins et core merci .
Bertrand

Voilà mes gins, in a jué hier et vendredi au Théâte Municipal d' Béthune et in vous armercie du fond d' note coeur pour vote accueil.
Rimplir l' théâte d' Béthune les deux jours permettra à ches Soins Palliatifs et au Lycée Malraux d'avoir des doupes in plus pour eusses fonctionner pus facilemint.
Rindez-vous à Bruay dins 15 jours...et pis sur les scènes d' la région ...si qu'o suivez l'aginda , vous artrouverez toutes ches dates.
A dé.
Bertrand

Bonjour mes gins,

In arprind l' saison in comminchant fort. In vous donne rindez-vous au Théâte d' Bethune vendredi 14 et samedi 15 septempe.
O z'allez pas nous arconnaîte tellemint qu'in est bronzés ...sauf Grand-mère qu'alle a toudis l' même tiête.
A dé.
Bertrand

" Je suis rarement venu à ARRAS , je ne soupçonnais pas que les gens fussent si urbains "...qu'il a dit Monsieur CRAQUEMONT.

" URBAIN ??...ch'est un comarate d' régimint à vous ? ".. qui li a répondu Gérard .

In tous les cas , cha s'est bien passé...sauf Grand-mère qui cantot "avec l' ami Bidasse ! " dins ches rues à eune heure au matin !..j' vous jure , i a des coups , alle est pénipe !.

Gérard, li , i treufe que les gins du SAMU il sont moins stressés quand i nous archoitent que quand in les vot arriver avec leur voiture blanque...

Il m'a même dit : " ch'est le premier coup qu' j'appelle l' SAMU pour qu'i m' sert l' apéritif ! ".

A dé mes gins. Bertrand

" Vous qui savez tout ", qu 'alle a demindé grand-mère..."pourquoi qu'i a des louches accrochées à ch' mur de l' salle des fêtes ? ".

I a fallu que j' li esplique l'histoire des Poulouches d' Allouagne.

Après j' l' ai ravisée dins les yux et j'y ai dit.. " cha , ch'est d' la culture hein ?".
Et alle m'a répondu: "Ouais...la culture , ch'est comme ch' burre..moins qu' in n'in a...plus qu' in l'étale !".

In tous les cas merci à tertous..in a été fin bien archus à Allouagne..in arviendra.

Pour tous le cheusses qui n'ont pas eu d' plaches pour Béthune...in jue dins l' salle GROSSEMY d' Bruay La Buissiere 15 jours après..le 29 et 30 septempe...tel: 03 21 62 39 10.

A dé mes gins. Bertrand